सायकल-Marathi Comedy Movie

DD
Published on: 20:23
Views:
सायकल-Marathi Comedy Movie


MDB Ratings: 8.9/10
Genres: Comedy
Language: Marathi
Quality: 720p HDTV
Size: 695mb
Director: Prakash Kunte
Writer: Aditi Moghe
Stars: Hrishikesh Joshi, Priyadarshan Jadhav, Bhalchandra Kadam
Movie Plot: A post-Independence era story, Cycle is about ‘Keshav”s intense love for his cycle which gets stolen by two thieves. Will Keshav ever find his cycle back?

एखाद्या व्यक्तीचा 'चांगुलपणा' हा अनेकदा इतरांच्या नजरेत 'मूर्खपणा' किंवा 'बावळटपणा' असतो. कारण त्यांच्या लेखी या चांगुलपणातून हाती काही लागत नाही, उलट झालंच तर स्वत:चं नुकसानच होतं. आताच्या काळात तर हा समज खरा ठरण्याचीच शक्यता अधिक. कारण आजकाल कुठलाही व्यवहार निव्वळ भावनिक पातळीवर होत नाही नि तसा दाखवण्याचा प्रयत्न केला, तर तो नक्की कालबाह्य वाटतो. मात्र एक काळ खरंच असा होता, जेव्हा कुठल्याही मानवी व्यवहारांत प्रेम, आपुलकी, जिव्हाळा या शब्दांना महत्त्व होतं आणि त्या बळावर कुटुंब-गाव सुखेनैव नांदत होतं. बहुदा यामुळेच 'सायकल' सिनेमाला १९५२च्या काळाची पार्श्वभूमी आहे. 


एखाद्या कथेचा जीव अगदीच लहान असतो. मात्र त्या कथेची मांडणी इतकी साधी-सोपी, तरल आणि लोभस असते, की आपण तिच्या प्रेमातच पडतो. 'सायकल' सिनेमा पाहताना अगदी असं होतं. सिनेमाची कथा, त्यातील पात्रं, त्यातला परिसर आणि त्यातील भावबंध.. यांच्या आपण प्रेमात पडतो. कारण प्रत्येक गोष्ट जेवढी नैसर्गिक आणि सहज ठेवता येईल, तेवढी लेखक-दिग्दर्शकाने ठेवली आहे. मुळात या सिनेमाने एक सुरेख लय पकडली आहे. ही लय निर्मळ आणि निर्मम मानवी जगण्याची आहे. 


ही गोष्ट आहे केशवदादा (हृषीकेश जोशी) आणि त्याच्या सायकलची. ही सायकल साधीसुधी नाही, तर ती ऐतिहासिक मूल्य असलेली आहे. त्याला ती त्याच्या आजोबांनी दिलेली आहे आणि त्याच्या आजोबांना ती एका ब्रिटिश अधिकाऱ्याने, त्यांच्यावर खूश होऊन दिलेली असते. साहजिकच ही सायकल म्हणजे केशवदादाचा प्राणच. एकवेळ तो आपलं काळीज काढून देईल, पण सायकलला कुणाला हात लावून देणार नाही. अशी ही सायकल एक दिवस चोरीला जाते. गावातले सगळेजण रात्री संगीत नाटक पाहायला गेलेले असताना गजा आणि मंग्या (भाऊ कदम, प्रियदर्शन जाधव) हे दोन चोर गावात शिरतात आणि एका गावकऱ्याच्या वाड्यात चोरी करून जाताना कुत्रे पाठी लागले म्हणून केशवदादाच्या सायकलवर बसून पोबारा करतात. गावकरी घरी परतल्यावर वाड्यावर चोरी झाल्याचं उघड होतंच, परंतु सोबत केशवदादाची सायकलही चोरीला गेल्याचं समजतं आणि अख्खा गाव चोरीला गेलेल्या दागिन्यांऐवजी सायकलची खबरबात काढायला केशवदादाच्या घरी जमतो. कारण केशवदादा आणि त्याचं सायकलप्रेम जगजाहीर असतं. 


काय होतं या सायकलचं आणि केशवदादाचं पुढे? ती केशवदादाला सापडते का? असे अनेक प्रश्न तुम्हाला पडले असतील… तर त्यांच्या उत्तरांसाठी हा सिनेमा थिएटरमध्ये जाऊन पाहायला हवा. त्यामुळे या प्रश्नांची उत्तरं तर मिळतीलच… पण एखाद्याच्या वृत्तीतील चांगुलपणाचा प्रवास कसा होतो आणि तो चांगुलपणा एखाद्या दुष्प्रवृत्तीच्या व्यक्तींनाही कधी कधी बदलण्यास कसा भाग पाडतो, तेही उमजेल.



जगण्या-वागण्यातली निरागसता आज हरवत चालली आहे… आणि तीच या सिनेमात नेमकी पकडण्यात आली आहे. केशवदादा, त्याची बायको जयश्री (दीप्ती लेले), त्यांची छोटी मुलगी मृण्मयी (मैथिली पटवर्धन), टपरीचालक श्याम(अभिजीत चव्हाण), सावकार (विद्याधर जोशी), दोन्ही चोर आणि सायकल चोरीला गेल्यावर ती ज्या-ज्या गावात जाते, त्या गावात चोरांना भेटणारी सगळी माणसं निरागस आहेत. हा निरागसपणा त्या सगळ्यांनी अभिनयात एवढा नेमका पकडलाय… की कुणीही त्यांच्या प्रेमात पडावं. अर्थात त्यासाठी लेखक-दिग्दर्शकाने वापरलेली कोकणाची पार्श्वभूमीही तेवढीच महत्त्वाची आहे. कारण कोकणचं नैसर्गिक समृद्धपण तिथल्या माणसांतही उतरलेलं आहे. 


सिनेमाच्या बाकीच्या सगळ्याच तांत्रिक बाजूही उत्तम आहेत. विशेषत: सिनेमातील चित्रचौकटी मजा आणतात. संगीतही आशयाला एकदम पूरक आहे. खूप दिवसांनी एक चांगला सिनेमा आलेला आहे. जगण्यासाठीची आश्वासकता पेरणारा हा सिनेमा आहे! 
.................................. 



निर्मिती संस्था : वायकॉम १८ मोशन पिक्चर्स आणि हॅपी माइंड प्रॉडक्शन 


कथा-पटकथा-संवाद : अदिती मोघे 


दिग्दर्शक : प्रशांत कुंटे 


छायाचित्रण : अमलेंदु चौधरी 


संगीत : आदित्य बेडेकर 


कलाकार : हृषीकेश जोशी, भाऊ कदम, प्रियदर्शन जाधव, दीप्ती लेले, संदेश कुलकर्णी, विद्याधर जोशी, अभिजीत चव्हाण, समीर खांडेकर, मैथिली पटवर्धन 


Categories:
Similar Videos

0 comments:

Subscribe to: Post Comments (Atom)